洪永城（Tony）與梁諾妍（Inez）於結婚當日宣布有喜，雙喜臨門，目前Inez懷孕18周，小腹微隆，酷愛跑步的她繼續孕前的運動，並於IG分享孕後的跑步生活，說道：「懷孕頭2個月都因為未穩定，所以去咗行山，不過講真，我真係鍾意跑步比行山多好好好好多。8周後忍唔住開始跑返到而家已經18周，每次慢跑大概6至8公里，一啲唔舒服都冇（唔跑反而唔舒服）。」她又引述醫生的建議，如果一向有跑步或運動習慣的女仕，孕後應該要繼續做適量運動，「大家都唔好因為有BB後就做懶惰仔呀！正在備孕的朋友仔，更加要有做運動嘅習慣，有健康嘅體魄更容易成功受孕，陀BB都冇咁辛苦，生嘅時候都冇咁痛苦。」
Inez昨晚（21/07）在馬場跑步，獲一位女性跑友大讚「你好靚呀又好健康」，令她對運動更有體會，表示：「跑步做運動嘅女仔真係好靚好靚呀！以後大家做完運動，記得一定要讚下自己！有種美真係做運動先會有啊。」雖然Inez很享受運動，畢竟孕後要格外小心，Tony留言時顯得有點擔心，秒變緊張大師，「小心呀小心呀，唔好跑咁快呀，慢啲慢啲，睇住呀。」黃翠如大讚道：「最靚嘅跑步手，佩服佩服。」湯怡亦以過來人身份分享感受，「好好Enjoy呢個孕期。」
部分圖片來源：梁諾妍@Instagram