闊別七年，楊丞琳（Rainie）來港舉行《楊丞琳「LIKE A STAR」世界巡迴演唱會香港站》記者會，宣佈將於5月4日在亞洲國際博覽館Arena舉行演唱會，吸引大批粉絲撐場。
Rainie久未在香港舉行個唱，香港樂迷一早收到風，並於網上熱烈討論，今日（16日）更大清早到商場等候，拿起「香港粉絲支持妳世一 Rainie」的Banner應援，商場的二、三樓也有不少粉絲大叫「楊丞琳」。Rainie以露腰性感tee亮相，又多次拉開毛毛披肩，大騷「馬甲線」纖腰，氹得粉絲開心不已，而且更全程用廣東話對答：「我今日真係好興奮，仲有啲緊張，因為好耐冇同大家見面，同埋好耐冇講廣東話！我學咗一句『老Best』去形容好友，Fans們都係我嘅『老Best』，約定你哋5月4日見！」
不過Rainie卻不斷嫌自己廣東話差，「我廣東話真係退步好多，我嬲嬲豬啊！」她又懷疑「嬲嬲豬」一詞是否仍適合自己，因為已經40歲了。
Rainie七年沒在香港舉行個唱很掛念粉絲，並自爆這次演出會廣東歌，以答謝大家多年來的支持，「我愛你哋呀！從你哋嘅聲音可以聽到你哋真的很掛住我，聲音有啲慘、有啲走走哋音。」她表示來港開演唱會，想把握機會見好友阿Sa，因為她們上次見面只有一小時！
