無綫高層樂易玲出席《飛虎3壯志英雄》發布會時，回應與王祖藍的不和傳聞，她說：「幾十歲邊會嗌交啫？」又指「祖藍回應晒啦！因為佢話呢個唔係事實。」祖藍在社交平台發布「在人的閒言中得自由」的詩篇，樂小姐自言有按讚，「大家喺呢行成日面對呢啲流言，雖然我哋話唔理，諗吓都有影響心情」，幸好因為忙個不停，沒有靜下來的時間，而他們也有視像開會聯絡。至於視后獎項是否意見分歧，樂小姐指多年來都有投票機制，「每年都有呢啲新聞係好，即係個個注意呢個獎項。」
另外，陳恩德表示已抽起投放在無綫的千萬元廣告，樂小玲說：「首先幾多錢廣告要問廣告部，我就完全唔知佢落幾多錢嘅。」又指對方舉行記者會當日，也有無綫藝員在場，她也是睇報道才知發生什麼事，她的回覆已經寫了出來，「呢個唔係公司嘅工作，呢個係一個external engagement，藝人係有權鍾意想做定唔想做，咁我覺得喺我哋經理人立場，我哋一定要照顧藝人先……哈哈，佢追緊女仔呀？」
當被問到李佳芯當日為何缺席記者會，樂小姐打個比喻說：「如果接咗一樣嘢唔做，就叫缺席，無接嗰樣嘢，唔係叫缺席。」追問Ali究竟有否接job?，她說：「我無見到有contract呢啲，我無見到啦！」關於被指損失千萬元廣告收入，樂小姐指公司好好，「我覺得公司態度，同埋artist management態度一樣，首要係保護自己藝人，好似我哋拍戲、做嘢又好，我個部門以藝人福祉為重要宗旨，錢……老闆冇俾過任何壓力我，我都冇俾壓力我啲同事。」
