無綫高層樂易玲前夫陳君毅早前因病離世，享年66歲。今天（12日）於香港殯儀館採基督教儀式舉殯，樂易玲一早到場協助打點喪事，圈中好友陳國強、陳欣健、鄧智偉、吳夏萍及吳卓羲等亦有到場送別。
樂易玲約早上11時步出殯儀館接受訪問，她以百感交集形容心情：「始終第一次有咁親嘅家人離開。2個仔都冇胃口，大仔要講悼詞，尋晚已經好緊張，但答應咗我唔會喊。」問到前夫有否交代遺願？她坦言因事出突然，當日抵達醫院時前夫已昏迷：「之前有同好朋友講過，若有日離開希望以基督教形式辦後事，因將來想喺天家搵返我哋，所以同佢好友好快一齊安排後事，等佢可以早日安息。」她表示喪禮出席者主要是親友及前夫同事，以低調為主。
樂易玲又表示兩位囝囝平日有相約父親外出食飯，問到細仔Ryan以往曾發文指父親令家庭破裂感到失望，她説：「正常小朋友感覺，個個都唔想屋企破碎，大個咗都接受，始終屋企人嚟。」
