無綫高層樂易玲噚日生日，每年佢都會舉行生日會，今年因為疫情嘅關係，一班無綫「親生仔女」前晚就去到佢屋企同佢慶生。
前晚嘅生日會，馬國明、林峯、苗僑偉、吳卓羲、唐詩詠、黃智雯等藝人都有出席，就連無綫副總經理曾志偉都有到場搞氣氛，陣容大到好似台慶咁。
樂易玲噚日係Instagram upload咗一連串生日會嘅合照，相入面見到蛋糕上面都有佢個名嘅諧音「620」，佢留言話最感恩同幸運嘅事係，所有心愛嘅家人都一齊分享呢個開心嘅「crazy moments」，祝福所有人一切順利。
圖片來源：樂易玲＠Instagram