《愛．回家之開心速遞》「三太」樊亦敏近日作客伍仲衡與周國豐的直播節目，當中被問及年前幫因中風引致半身不遂的劉家輝，被質疑跟劉師傅的關係，又被轟貪錢。
樊亦敏重申與劉師傅沒任何關係，直言相關傳聞若令她卻步不再伸緩手，對她沒有任何影響，但劉師傅就會受影響。她直指當時跟很多「所謂」是劉師傅的朋友對話，問他們會否願意接手幫忙，但遭拒絕。
樊亦敏說：「佢話住院舍使乜咁貴？我問佢哋乜嘢叫做貴？當一個就嚟死，啲錢係佢賺，總之俾得到，更貴都要救返佢條命。師傅曾住私家醫院，醫藥費80幾萬先出得院，但啲錢係佢賺，我問返佢覺得條命係值幾錢？依家我係咪問你借？係咪你俾錢？唔係你講咩啫！」
直認寸爆的樊亦敏續謂最嬲是每次臨近新年就傳師傅死訊，她為此曾身在鬧市鬧人。伍仲衡問她有否爆粗？她坦言試過一次，對方也呆了，之後對方也不敢在她面前再提。她直斥對方黑心，過年過節傳這些事有什麼意思？平日有需要幫忙，這些人又不見走出來，是否見她一個女人仔好欺負。
樊亦敏表示不敢說幫劉師傅，其實不是她一個人能進行，包括很多律師、醫生等，很多重手續層層去過關。「包括TVB都有去幫師傅，做好多嘢令佢攞返佢應該有嘅嘢，令到佢暫時依佢自己想嘅方法去生活，我只係搭口叫人幫忙。」她透露師傅近況良好，大家不用擔心，好清醒精靈，最近都有去探他，大家可以放心。