由黃子華與謝君豪、林保怡、栢天男等出演的電影《毒舌大狀》，自開拍以來幾乎每日都有人萬歲。這日眾人拍攝法庭戲，適逢楊偲泳（Renci）的戲分煞科，其粉絲就送食物到現場，代Renci萬歲，氣氛開心熱鬧，個個拍晒手掌，仲唱歌助興。
由子華帶動大家開餐，何啟華（Dee）在包住蘋果批的餐紙見到寫有他的名字，即開心展示說：「真係好驚喜！」但大家都走近叫他：「唔好呀！」、「聞吓好啦！」，Dee果然笑晒口拎住個批係咁聞，然後又說：「嘩！真係『秀食可餐』！」跟住又大大索了一口，續說：「我係咪應該匿入廁所食呢？」
Renci這時就說：「喂，你腸胃炎呀！」並出手阻止Dee進食，但被他左閃右避，冷不提防子華在他身後出現，一手就搶過他手上的批說：「唔好咁啦你！你唔好啦！」子華神出到手，Dee只能仰天嚎叫了一聲。