馬國明、林夏薇主演的無綫劇集《法言人》，劇中佑家（林夏薇飾）父親飛雲（白彪飾）性衝動又牛脾氣，經常與老婆春花（龔慈恩飾）爆發衝突。近日飛雲因懷疑春花與初戀情人夏國軍（陳嘉輝飾）過從甚密，打翻醋罈的他脾氣變得更為暴躁，當街打罵國軍之餘，又大聲指控老婆給自己戴綠帽，終激怒春花嗌離婚。
繼2020年熱播劇《香港愛情故事》後，白彪與龔慈恩相隔3年再演夫妻，喚起網民不少回憶；不過網民笑指彪哥是次「躁底」升級，並笑封他為「老年版吳卓羲」，但亦力撐彪哥發火戲特別好睇。談到與彪哥再演夫妻，龔慈恩笑言對方十分懂得遷就自己：「可能佢武功太好，好適合呢類角色，所以就算推撞戲，都唔使話排好多次，佢好就得我，佢同劇組會幫我就埋位。」首次與薇薇合作的龔慈恩，大讚薇薇好乖：「佢對長輩好好，我哋合作得好愉快。呢套劇合作得最多次嘅係馬明，因為劇情講我有一段時間會住喺薇薇屋企，所以有好幾場戲都同馬明一齊演，我哋都玩得好開心。」
相關單元最大亮點，除了是白彪與龔慈恩再度合體，二人的婚照設計亦別具心思，劇照將龔姐及彪哥的樣子，用電腦合成成年輕版，被逆齡約30年的二人，馬上回復尖臉及窈窕身形，看上去更有夫妻相。
