《CHILL CLUB 推介榜 年度推介 22/23》日前圓滿結束，當晚獲得「Chill Club年度樂隊」銀獎的RubberBand沒有出席，但成員泥鯭就有留意直播，並在個人FB作評論。
當晚姜濤獲得男歌手銀獎之後，在台上向MIRROR各成員講心底話，不過遭到泥鯭留言說︰「多謝說話定係『鼓勵』說話？！WTX？！係咪short X咗？修哥都講唔出啦！」、「唱好啲歌先做呢啲小動作」，到頒獎禮接近尾聲時，他再留言說︰「嘩，頒唔尷尬，攞唔尷尬，唯有睇嘅尷尬」、「又一個大台誕生」。
泥鯭留言似乎批評《CHILL CLUB》偏幫自己友，及指姜濤的感言有問題。對於連環出po寸姜濤，有姜糖就到其貼文留言，鬧泥鯭的說話尖酸刻薄和無品：「上台講幾句嘢都得罪你？」、「講真，又冇人惹你，何必呢？」
不過亦有網民支持泥鯭：「真前輩，唔洗（使）就住就住！係唔妥咪要出聲囉！」、「泥鯭只係講出好多人無講出口嘅嘢。」看來又會惹來網上罵戰！