Tony正在澳門拍攝，冇得返港同屋企人過節。
（Tony）最近與宋宛穎在澳門拍攝新節目，二人均有在社交網分享拍攝時的花絮照。Tony日前被老婆梁諾妍爆料，指他離家7日工作後回來，半歲細女Beryl已經不認得阿爸，被Tony抱抱時嚇得大喊，阿爸愈氹阿女喊得愈大聲。
梁諾妍話要拍3姊妹合照好難。
原來今個中秋，Tony因為工作都未能跟妻女一起過，他貼上老婆拍下「3姊妹」團團圓圓的合照，留言：「你哋喺屋企食月餅，我喺外港客運碼頭食M記。返唔切返嚟香港同屋企人過中秋有少少孤單，尤其係成個碼頭得我一個咁。我好希望聽朝佢哋見到我好有啲興奮，少少開心已經好滿足。」不過有網民在梁諾妍的發文下問到「阿妹認得Daddy未」？Tony親自回應：「好似未」。
至於今次跟宛穎合作，有網民留言叫Tony：「你都係搭脆魚（黃翠如）算啦」！不過宛穎就滿有信心，發文留言：「繼剛剛播完的《早D知早D醫》再次和他搭檔，更多的互動和搞笑的情節，大家可以期待一下！我們還會在澳門逗留一段時間，大家可以來偶遇我們哦」！
Tony與宋宛穎再合作新節目。
