洪永城BB相跟細女撞樣 梁洛妍：一屋洪永城

洪永城同太太梁洛妍生了兩個囡囡Amber及Beryl，Amber一出世就係sir face，而細女Beryl都係sir face2.0，本來有網民話Beryl有啲似媽媽，梁洛妍本來有啲興奮，點知洪永城搵到兩張跟Beryl一樣大嘅時候嘅BB相，一對比，一模一樣，梁洛妍在IG公開了這兩張相同細女樣。仲留言「謎底終於解開，有好多人有話呀妹似呀媽多啲，我興奮咗一下，一下咁多，然後呀Sir 搵返佢2張BB仔時嘅相，然後我終於明白，Amber 係100% 似晒大個咗嘅Tony，而Beryl，係由Tony細個開始就100%嘅樣扱出嚟，以上嘅分析同結果，係一啲呀媽嘅份都冇」。

梁洛妍仲話「離晒大譜，阿Sir基因要有幾強大，講笑我冇唔開心大家放心，我只係覺得好得意，一屋洪永城」。
洪永城見到太太出po，留言「呢個時候我可以留咩言？what can I say」，而胡定欣就講「一屋洪永城，嘴型一樣㗎」，至於網民見到一屋洪永城就發出多個笑笑emoji，「一屋都係sir face，支持媽媽生多一個,應該係mom face㗎啦」、「性別最似你」、「遺傳這東西真奇妙，有一模一樣嘅」。