楊千嬅一連兩場的《MIRIAM YEUNG B minor MUSIC LIVE 2022》演唱會，今晚（17/12）八時三十五分在亞洲國際博覽館Arena揭開序幕，全場爆滿。
演唱會未正式開始，台上已經有數個演員在台上閒逛做戲，每個入場觀眾則獲派發一支閃紫燈棒，到熄燈一刻台上巨型Led walk亮起，車站有地鐵經過，路人熙來攘往中，由頭髮到衫裙都紫的千嬅同時出現，台下即時歡呼，然後一口氣唱出了《最好的債》、《你最愛的人》、《直覺》及《麥芽糖》才落台換上吊帶紫晚裝再亮麗上台。
已經有11年沒有在香港開演唱會的千嬅，演唱會初段未有和觀眾打招呼，反而一直以穩陣唱功唱出多首歌，報答歌迷多年支持，歌迷則歌與歌間大叫千嬅名字回應。
直至唱罷《沒關係不是愛情》後，千嬅開始跟大家傾吓偈，「決定開今次演唱會後，花了好多時間諗講咩，但亦花咗好多時間有咩唔講得……B minor意思是Sound track意思，同時要be humble，縮細自己再將自己退後啲，有時可能會將故事成為自己的主角，但你退後啲再發現，我只係你哋故事中的一個小角色。生活中的問號，不一定自己的課程，可能係大家課題，亦唔需要太擔心，最重要做自己。」然後千嬅又說：「消化人哋嘅說話，慢慢就會迷失自己，係飄浮飄浮嘅時候係過去嘅音樂搵番自己，今日好特別嘅演唱會，你哋嘅掌聲唔單止係鼓勵，仲好有份量！」
另外，據知因現場只有一部電子出票機，令數百到現場才取票的觀眾需要排長龍，縱使千嬅一早已在後台standby和歌迷見面，但都只能默默等較多觀眾入座後才可上台。
而今晚跟楊千嬅在內地合作《聲生不息》的炎明熹，以「阿囡」名義送上花籃外，還親自捧場，還有跟千嬅在金牌唱片合作無間的Paco、林盛斌及李承責等。
