渣打馬拉松2023 今日（12日）舉行，不少圈中藝人亦有參與，包括67歲影帝周潤發（發哥）、ERROR成員吳保錡、C AllStar成員陳健安和梁釗鋒、陳安立、柳俊江、蔡思貝、梁諾妍（Inez）、余德丞（Dickson）、湯令山、張蔓姿和林奕匡等，另外拳手曹星如亦有參與。
發哥今年首度參加10公里賽事，見他精神抖擻，身穿全黑運動服上場。衝線後更引起跑手一窩蜂跟發哥Selfie，他來者不拒與非常親民！發哥以1小時03分58秒完成賽事，在20341名10公里選手中排名3584，他受訪時指今次成績比上次快了少許，表示自己「行得山多所以轉吓跑步」，現時每天都有跑，但不會跑10公里這麼長，亦跑得慢，今次也特別找教練練跑。不過今天十分潮濕，對跑手而言可能較吃力，發哥稱自己慢慢跑，跑得不急就可以。被問到會否轉戰半馬甚至全馬，發哥笑言：「10K已經很盡，練咗都有成年，上次跑咗越野賽，今次跑街，街好玩啲。」又說：「遲幾年先，等我大啲先，而家仲細。」
而保錡則以55分12秒完成，衝線後更等待發哥集郵，他表示是首次參加馬拉松，覺得每個人起步的起點不同，今次參與馬拉松想突破自己，「可能我以前好肥、做咗好多嘢形象好差，我想今年醒一醒，跑步、做Gym，目標希望今年參加到半馬或全馬。」他指由早前ERROR開騷時開始保持健身及跑步，養成了運動習慣，直言有運動習慣的應該都跑到，今次一個小時內完成也達成了目標。保錡指最大收穫是發現原來有很多人做運動，希望大家也能養成運動習慣。
至於Dickson以1小時19分28秒完成10公里賽事。今次是他2018年心律不正致昏迷後首次參加正式跑步比賽，他坦言志在參與，不計賽果，完成已感滿意。提到緋聞女友蔡思貝也有參加半馬賽事，他笑言對方跑得太快，「跟唔到，佢黐線架，跑半馬對我來講太長，佢接受嘅係專業訓練，我呢啲只係業餘。」而蔡思貝以1小時47分34秒完成半馬賽事，在3151位女參賽者中排名122，比起2018年的成績快21秒。她今次與長跑老師前香港紀錄保持者吳輝揚一起跑，她透露花了兩個月時間練習了30課，幾乎隔日練跑已經盡了力，但覺得可以做得更好。
「長跑好手」Inez以3小時57分16秒完成全馬比賽，今次是她產後首次再跑，加上有舊患，她表示很滿意這個成績。Inez透露身在巴西的老公洪永城亦有在賽前傳信息為她打氣，她又期望之後與老公結伴跑全馬，亦不擔心老公拖慢成績，「我會跑走先，喺終點等他，希望將來可以一家三口一齊跑。」
