《2023香港小姐競選》一班入圍佳麗昨日（27日）和今日（28日）分批到髮型屋整頭改造造型，第二批的10位佳麗今日早上約九時到髮型屋進行大改造，包括「翻版Yumi」Debbie、Eris、Nicole、Jessica、王怡然（Lynn）、姜伊寧（Jenny）、Venus、「翻版王祖賢」賀怡雯（Lea）、Cindy及Cherry。
一班候選港姐應大會要求以白色Tee襯牛仔褲現身，公認「擦得」的Debbie，帶來鳳爪排骨飯邊整頭邊醫肚，雖然她穿上露臍裝，大曬小蠻腰，但她擁有「食極唔肥」體質，令人羡慕！
至於化了濃妝的「翻版王祖賢」Lea，穿上皮褸亮相，更大騷長腿。前一晚才由上海飛來港的Lea，因漂染時傷了頭髮，故今次只由髮型師係咁易剪薄。問她可有信心打入三甲？她說：「唔知。」稍後她要經常中港兩邊飛，由於舟車勞動十分疲累，她笑言這是最好的減肥方法。
