溫碧霞李麗珍同居半年炒大鑊　強調冇爭仔：我哋有太多男友

李麗珍因為Irene才客串這片。

溫碧霞（Irene）與李麗珍相隔34年再次合作的電影《我們的十八歲》，昨晚（26日）舉行首映禮，珍妹直言因為支持Irene才客串演出。

二人對上一次合作已是1989年的《我未成年》，當年珍妹17歲，Irene是她第一個認識的明星。珍妹說：「佢帶我四圍玩同食，我以為佢係大姊姊，後來先發現我哋同年，佢只比我拍多兩部戲。」

二人現身首映禮。

Irene表示曾跟珍妹同居半年，有很多難忘回憶。珍妹聞言透露兩人曾激烈吵架，但絕非與異性有關。Irene說︰「吵架因爭仔而起？肯定唔係，我哋有太多男朋友。」珍妹續說︰「係因為一啲小事。我哋從來唔爭仔，大家品味都唔同。我哋只吵架，唔會郁手。」

+3

林千渟在電影中飾演溫碧霞的年輕版；楊偲泳的角色經歷則來自林碧琪及藍潔瑛。談到兩人要在戲中講粗口，楊偲泳笑言只是做回平日在家中的自己，會對鏡鬧自己工作時表現差；林千渟則說︰「我好嬲先會講粗口，呢啲係正常發洩，如果唔係會發癲。」

楊偲泳與林千渟在戲中爆粗。