「香港演藝人協會」因為疫情關係，自從一八年後，都有好一段時間冇搞School Tour，適逢新學年開始，日前齊集理事開會，演協更在網上專頁分享一段開會時的短片，以惹笑方式宣布舉行School Tour，片中一眾新理事成員包括張繼聰、小肥、岑珈其、周家怡等正埋頭苦幹地研究如何可以更加關心現時學生的情緒壓力，期間趙善恆（恆仔）提出可以到學校舉辦School Tour，但被其他理事「噓爆」，認為方法並不可行，副會長余安安及錢嘉樂看到一眾理事都反對，就認為未必一定要舉行，在宣布散會之際，原本默不作聲的會長古天樂突然出聲：「我諗到啦！一於殺入學校，搞School Tour，掂呀！」一眾理事隨即「打倒今日的我」，拍爛手掌兼連聲「好嘢」，場面爆笑！
古會長一聲令下，一班理事個個舉腳支持！
短片一出，不少網民大讚古天樂「貼地」，願意走入學校與學生互動，關注學生的情緒需要，不過有人問「家長可唔可以參加？可唔可以同會長瘋狂跳今期好流行嘅舞？」又有人問可唔可以關注埋打工仔心理。而演協更公開呼籲，歡迎各大專院校、中學及小學電郵到info@hkpag.org查詢詳情！