《炎明熹Gi-FORCE演唱會2024》昨晚（13日）來到第二場，Gigi的父母、姚焯菲及森美也有到場支持。有過第一場的經驗，第二場Gigi的狀態明顯地更放更投入，尤其在Dance Medley環節，繼續狂跳近13分鐘，表現揮灑自如，跳舞力度明顯加大，而最讓觀眾期待的，當然是Gigi的後空翻，唱到《Little Magic》時，台下的歌迷起身齊齊跟着跳舞兼大合唱，氣氛比起首場更熾熱。
前晚首場，歌迷知道Gigi開show壓力大，於是別出心裁，製作巨型紙牌寫上「炎明熹我地（哋）真係好鍾意你」，昨晚第二場則換上「I LOVE U 300000」，想盡辦法令讓Gigi放鬆心情。
演唱會中段，Gigi與樂迷打招呼，她搞笑問大家自己是否適合做「氣氛擔當」，台下隨即歡呼回應。隨後，Gigi原本要獻唱《流沙》，但她突然撥弄鼻樑位置，說：「我係咪跌咗少少嘢？」原來是眼妝的閃片掉落，她在台上整理期間不經意做了鬥雞眼，引來全場哄笑。
到嘉賓環節，Gigi請來在電視劇《青春本我》中飾演她爸爸的姜皓文到來，兩「父女」難得同台，姜皓文表示近日看報道得知「囡囡」拍《還有一艘救生艙》MV時，演技大爆發，鏡頭前話喊就喊，於是被演唱會導演吩咐，上台考驗Gigi演技，要她即場展示「喜怒哀樂」情緒，Gigi自嘲演戲時總是尷尷尬尬，姜皓文安慰道：「咁我個女啲喜怒哀樂表情係差唔多嘅，但係佢呢個招牌笑容，真係第二個搵唔到。」之後，Gigi「禮尚往來」，考驗「爸爸」演技，身為演技派，姜皓文當然駕輕就熟，還特意誇大表情搞氣氛，令台下笑聲不斷。
姜皓文隨後又爆笑料，憶述當日拍劇期間，拍攝團隊叫糖水宵夜：「咁我哋俾張糖水紙佢揀，佢就問係咪點叫都得㗎？我話『係吖，你叫幾多碗都得。』跟住佢話『嘩，你哋好有錢呀！』我呢個女真係單純到好可愛，搞到我呢個做爸爸嘅有啲擔心，我當然唔驚台下嘅觀眾呃你，因為你哋錫佢都嚟唔切。」
接着，Gigi送上繡有Black Pa（黑爸）的運動毛巾答謝姜皓文，他則祝福Gigi，希望可以紅遍整個宇宙。姜皓文除了演技好，歌喉同樣不俗，大開金口獻唱Gigi的《好想約你》，他說：「呢首歌係三日前同個女一齊揀，阿女話我唱慢啲，個感覺會好唔同喎，佢唱完呢首歌之後，我都去多咗嗰間快餐店食嘢。」緊接，姜皓文再送上《鐵塔凌雲》。
另外，校長譚詠麟雖然未能親身前來欣賞演唱會，但非常有心，昨日趁Gigi綵排期間，帶同果籃到場支持，之後更在社交網站發帖，讚Gigi外型和唱功都是可造之才。Gigi對校長的支持表示感激，她說：「好開心校長咁忙都嚟睇我綵排，佢嘅支持俾咗好多信心我，真係好多謝佢。」
已完成了兩場演唱會的Gigi，外界口碑一致叫好，除此之外，她的新歌《還有一艘救生艙》，MV於YouTube上架短短四日，已超過100萬點擊，開show期間新MV照樣被樂迷狂loop，榮登熱門音樂影片第二位。
