黎芷珊今日（29日）出席台慶綜藝《戰場上》記者會，節目中她帶領觀眾走訪烏克蘭及以色列兩個戰場，以第一身的視角去感受，試過炸彈聲在附近爆炸，連地下都震，嚇到她彈開，躲在監製背後，「今次得三個人，除咗我，還有監製及攝影師，所以今次旅程有一定危險性，出發前除了自己的心理質素之外，因為當地戰爭，所以旅遊保險最難搞，最開心係喺不同嘅地方都找出真人真事，當中做了不少訪問，其中到訪烏克蘭，有一個機構幫助在戰爭中需要截肢的人士，教他們如何運用義肢，我到訪時都試用這些義肢去行路，我行得唔好，佢哋都會教我點行，會笑我，佢哋每個都好樂觀去面對眼前一切，所以自己都學到要正面去睇事情。」
原來今次是芷珊主動自薦往當地做主持採訪人和事，「因為會有一定危險性，所以無咩主持願意去，而我又想跳出舒適圈，因為平時坐定定，好舒服去主持，都想轉變一下，所以事前都做了很多資料搜集，因為監製要求很高，大家一邊拍攝一邊去調節，我亦要盡量㩒住自己平時主持時既定嘅動作及腔口。」
更多現場圖輯：
