劉德華等人主演的港產災難電影《焚城》截止昨日（10號）票房衝破2千萬，近日才剛忙完海外演唱會演出的華仔，昨日神秘現身戲院跟一眾演員何啟華（阿Dee）、梁仲恆、王敏德、周文健、林家熙（Locker）、黃愷傑等合體。由於電影公司沒有洩露任何風聲，所以包括演員和觀眾對華仔出現不知情，直至他在觀眾席舉手發問剎那，大家才發現他的身影，令現場所有觀眾都尖叫起來，特別為華仔忠粉阿Dee帶來驚喜，兩位「華Dee」終於公開場合碰頭。
華仔從觀眾席跑到台前與一班戲中的隊友互相擁抱打招呼，並對向身邊的幾位新演員，跟觀眾說：「多謝你哋支持香港電影及我哋一班新嘅演員，佢哋就係我哋香港電影嘅未來！」現場觀眾也報以掌聲支持。雖然在戲中跟一班年輕演員，一起演出的場口有限，有些甚至沒有同場演出，但華仔坦言一直都有從劇組人員得知這班消防員，由開始練習到拍攝時的過程和經歷，他欣慰的讚賞說：「知道你哋嘅努力，非常好！你係我哋嘅未來！」
阿Dee昨日跟偶像一起同場謝票，令他驚喜萬分，且說：「第一日開工劉生已經嚟探班，直至我殺青嗰日，佢仲特登嚟送花俾farewell，自己都好感動，其實我到依家見到劉生都好緊張，大家應該睇得出我有啲心慌意亂。我唔知自己講啲乜，好開心、好夢幻。我感受到前輩們好用心去做好香港電影，同埋知道想搵機會提攜我哋，俾好多機會我哋，好多謝劉生，希望我哋可以繼續努力，唔會令你失望。」
梁仲恆坦言可以同香港legend同一個框裏出現感覺好驕傲，現場拍攝的時候見到劉生好隨和好Nice，有時會講笑話問大家IQ題，紓緩工作緊張氣氛。身邊的Michael（王敏德）一聽到用Nice內形容華仔，即搞笑的插嘴說：「我覺得唔係好Nice嘅，成日鬧我（因為戲中係死對頭），不過佢話下次有機會搵我同Michael（周文健）一齊拍喜劇，仲可以英文對白，OK啦！」
至於Locker稱基本上跟劉生在現場見面數得出，連同昨日應該只有兩三次，不過在現場聽到劉生話會搵兩個Michael拍喜劇，醒目的他即把握機會自薦說：「我都希望同劉生拍喜劇呀！」華仔表示無任歡迎，且透露其實這個戲收到第一個有關消防員信息的是Locker受傷；腳傷仍繼續開工，很敬業。黃愷傑慶幸自己有一場同劉生合作戲分：「著A袍入火場搵銫-137，好幾個深夜拍攝他都陪伴大家拍到最後，他也好專業第一個穿戴整齊的等我們，陪大家舒緩氣氛一齊入去『災場』，好感謝劉生。」
阿Dee在謝票完結前，突然舉手問劉生會否再有機會跟他再一齊謝票？劉生二話不說：「你安排，我聽！」華仔的秒回，令阿Dee再一次感到驚喜，且約定劉生13號謝票場見。
