https://www.youtube.com/shorts/015Pk34MiKs
劉德華昨晚（13日）再次出席電影《焚城》謝票活動，與導演潘耀明及演員何啟華（Dee）、林家熙（Locker）、黃愷傑（Wesely）、許恩怡（Natalie）一同現身戲院感謝觀眾支持，剛巧謝票期間正值三號風球，兼天文台宣布即將懸掛八號風球，不過團隊無懼風雨如常謝票，連走五場滿座場次。首場謝票更迎來巨大驚喜，華仔老拍檔鄭秀文無預兆突襲戲院支持。
華仔甫出場，歡呼聲此起彼落，他先發言感謝觀眾支持，亦呼籲大家繼續關注有份參演電影的年輕演員，華仔非常難忘在片場見到他們為電影付出：「我最難忘係第一日拍攝消防局嘅戲，因為見到佢哋喺度操練，又有真實消防員指導，覺得佢哋好辛苦。」
眾人分享期間，主持突然宣布有個神秘嘉賓要現身，就是鄭秀文（Sammi），華仔跟團隊事前毫不知情，跟全場觀眾一樣，見到Sammi既驚且喜不禁大聲歡呼，原來Sammi知道華仔難得謝票，特意前來捧場，兩人一見面即時擁抱。非常欣賞電影的Sammi，早前經已在社交平台出片大讚作品，她在謝票現場更掏出戲票，證明自己真金白銀支持，Sammi亦再次不吝讚美之辭：「我覺得《焚城》非常之精采，裏面有感動位，有緊張嘅情節，我覺得故仔好好，入面有好多信息，好滿意，好滿意華仔你嘅演出呀！」Sammi又再點名稱讚阿Dee表現：「你嗰段我好感動，演出得好好！」對於Sammi突然現身支持，華仔笑指竟有點緊張，至於Locker和阿Dee則驚喜到目瞪口呆。
謝票場就有觀眾問到各位演員跟華仔合作有何感受？一向視對方為偶像的阿Dee竟然吐出「遺憾」二字：「因為我跟劉生無對手戲，我只能同佢一齊睇戲啫，但對我嚟講今次有份參與大製作經已覺得好難得。」現場有粉絲大叫兩位下部作品合作，阿Dee直言希望能成事。相比起阿Dee和Locker，Wesley自言非常榮幸，皆因自己剛好有一場可以跟華仔對戲，好開心見識到對方的專業。至於飾演華仔女兒的Natalie，最緊張就是自己戲中要親自駕車接載華仔：「因為嗰時我啱啱至考到車牌，劉生仲要坐我隔嚟，好緊張。」
