港產災難電影《焚城》上映至今早（8日）累積票房，正式衝破1,500萬大關。影片監製何韻明（Ivy）、導演潘耀明，及主演的王丹妮（Louise）、何啟華（Dee）、魏浚笙（Jeffrey）、林家熙（Locker），出席昨日（7日）到中華傳道會安柱中學與過千名師生舉行的座談會，眾人甫出場即獲全場熱烈歡呼，4位演員及後更親身上陣與師生們排球激戰。
座談會上監製Ivy分享拍攝《焚城》的意義，認為電影不僅僅是災難片，亦表示戲中提及的高強度輻射物「銫－137」，距離我們生活不遠，希望同學們都謹記當中的環保信息。潘耀明導演則談及拍攝災難片的挑戰，表示難度分猶如公開試考獲5A，同學們起哄表示身同感受，導演又問到大家對電影的感覺，全場過千師生們，隨即一齊拍手高呼「好睇！」
台上演員分享也引來笑聲不斷。阿Dee表示今次飾演消防員，啟發他遇到危機時候，要冷靜思考，亦感受到消防員決策的重要性，更分享一個災場小貼士，惹來全場大笑：「如果各位不幸有日喺火場，又想被消防員拯救，唔好尖叫，救先嘅都唔會救個生猛尖叫嘅，通常救唔會講嘢嗰個㗎。」台下同學又問到阿Dee，如何投入災場的演出？阿Dee大讚幕後團隊製作認真，搭建的場景迫真，當然自己演出時亦要十分專注，阿Dee藉機勉勵同學：「做咩都好最緊要相信，要信自己，信你所見，信你當下發生嘅事，就啱㗎喇！」聽畢全場同學拍掌。
Jeffrey則難忘戲中經歷生死瞬間的一場，稱當時為投入角色，用了10分鐘反思人生，最後得出以下結論：「原來自己後生時好多嘢都未做過，所以同學們如果有任何嘢想做，唔好俾太多框架框住自己，活在當下，好好珍惜生活嘅每一秒。」
有同學問到Louise，如何加強戲內消防員之間的團結精神？Louise指跟一眾演員在開拍前接受特訓，上堂學習消防知識之外，又透過高空繩索及打排球訓練建立默契。
Locker憶述拍攝時忍痛完成動作戲，坦言今次上了一課「學識聽老師話，唔掂就要出聲」，不過他自嘲未有完全汲取教訓，敬業的他，還是會想親身上陣挑戰動作場面。
