翡翠台自明晚（5日）起推出兩套全新劇集，包括八點半檔播映的《夢華錄》及九點半檔的《黯夜守護者》。由內地藝人劉亦菲、陳曉主演的《夢華錄》在內地大受歡迎，不僅播放次數突破17億，在內地豆瓣亦曾獲得8.8高評分，成績斐然；加上有「神仙姐姐」之稱的劉亦菲睽違16年再演電視劇，與高顏值的陳曉組成夢幻CP，絕對值得關注。緊接由徐正康和吳冠宇聯合監製、鄭成武編審的一連20集劇集《黯夜守護者》，演員陣容包括陳展鵬、陳煒、陳敏之、李國麟、江嘉敏、謝東閔、袁文傑及車婉婉等。
相識廿載的兩位主角展鵬與陳煒先後加入無綫，惜一直無緣合作，如今終攜手主演新劇。除了主角配搭新鮮，主角造型亦令人耳目一新，展鵬一反平時靚仔有型形象，扮演一個滿面鬚根兼頭髮凌亂的滄桑阿Sir。更特別的是，劇組為免演員過度設計角色一直大賣關子，對此展鵬笑言拍攝前期仍未清楚自己角色底細：「監製話一個人縱使有History，但唔會成日帶住相關情緒喺身，所以幕後一直唔肯講個結局畀我聽，我拍咗成個月先知最後係點，好特別。」
演開女強人及賢母的陳煒，今次將扮演Cool爆Madam，並要應付連場動作戲，陳煒笑指係時候郁吓：「今次唔算甘，自己都鍾意拍動作戲，但呢幾年冇乜機會。」並透露該劇最大挑戰是記對白，皆因要應付專業法律字眼的同時，又要牢記超長案情：「一收到劇本就開始係咁睇，到拍時要真正背到好熟，所以拍前一、兩晚連瞓覺都諗住對白。雖然有啲對白係喺後期VO交代番，但佢哋都希望現場收音，最長一段交代案情嘅戲，足足有5、6頁紙對白！」
