現年44歲的名模熊黛林（Lynn）2016年與富商郭可頌結婚，二人育有一對孖女，雖然嫁入豪門，但Lynn仍然落力工作。Lynn昨天（15日）在社交網貼出腳傷照，相中見她的腳踝包了紗布，十分腫脹。
Lynn留言大呻每次放假休息，身體就會接二連三出現問題，「忙緊嗰時就咩事都冇，身體不知幾好。但係只要一停落嚟，就問題多多。上次係感冒，今次係拗柴，仲要係一個月內嘅第二次，僅有嗰幾日休息時間都俾咗醫生，算點啫～我唔理，我就係要放假難﹗」另外又有網民留言Lynn有嚴重的拇趾外翻情況，估計與常穿高跟鞋有關，故建議她接受治療。
