陳瀅近日接受林柏希網上節目《月傾會》訪問，於正熱播新劇由16歳演到40歲，陳瀅演技大爆發，獲第一次合作的監製、導演、編劇葉念琛看好可奪視后，陳瀅反而話隨緣，「唔好俾咁多壓力我，我覺得隨緣啦！」
陳瀅表示劇中跟張馳豪的初戀太似真實經歷，「我同佢嗰段關係，令我諗起我同我之前個男朋友一啲經歷，同埋我哋嗌交嘅一啲位，似到我會打冷顫！」
看似一帆風順的陳瀅，坦言當演員以來最委屈是被人打了廿幾巴掌，「有一次因為嗰個男演員比較新，導演話照打落去啦，當時我亦都係好新，我拍一巴戲，好似打咗我十幾廿巴，打到最後嗰幾巴，我忍唔住真係好委屈，好想喊，因為真係好痛！最後都係俾人剪走咗，我最唔開心係俾人剪走咗成段戲！」
再講到陳瀅有兩個花名，肥瀅同淫瀅，她說已看慣，並直認是肥瀅，因為真的不瘦；淫瀅則是因為《痞子殿下》的角色好麻甩，對朱敏瀚手多多所致。
對之前被指跟蔡思貝、湯洛雯、龔嘉欣同高海寧為最新無綫五大花旦，陳瀅覺得思貝兩年前已是視后，肯定挑第一，之後順序為龔嘉欣、高海寧、湯洛雯，最後是她，「因為我係咁多個之中年資最短，佢哋早入行過我㗎嘛！」
被問到可見聞女藝人用不同手段上位？陳瀅就有親身經驗，「佢上咗某個阿姐（高層）嘅房，喊晒咁話，我唔明點解要俾佢（演某劇集）囉，我喺度咁辛苦咁多年，佢又唔係咁好喎，聽講佢又成日遲到啦，佢又呢樣嗰樣……」篤背脊行為傳返落陳瀅耳中，「一定係聽返返嚟，我覺得好多人都好錫我，知道真正嘅我係點樣！」
講到緋聞男友方力申、周嘉洛和羅天宇，如果要選老公、男朋友同一夜情對象，陳瀅話一夜情要越界選朱敏瀚，因為對方最近操得好Fit。「男朋友，我諗我會揀嘉洛，因為嘉洛係一個好多話題、好多嘢講、好調皮，佢好有活力、好活躍呀；老公，我會揀羅天宇，結咗婚之後，一定make sure呢個係一世，佢又係好專一好乖，同埋我好容易知道佢諗緊啲咩！」為何沒揀方力申？「我覺得我會同佢唔係好夾，因為佢係水瓶座（口誤，方力申應為雙魚座）呀，好大男人！」
至於有否收過飯局價，陳瀅就請來經理人Monica親自解答，Monica就話有人開過7位數（以百萬計），但她沒問過陳瀅意願，「佢都唔係嗰種等錢使嘅人囉！」