爸知弊｜吳若希斥老公好虛偽　孖製作組踢爆真面目

Jinny同仔仔搏啜好有愛。

吳若希（Jinny）、老公Alex及囝囝搏啜亮相明晚（21日）的真人騷《爸知弊！你嚟湊吖！》，Jinny在拍攝自己提供的生活短片中，已忍不住直斥Alex是「虛偽嘅老竇」；同日去到拍攝現場，Jinny再五度控訴老公「扮嘢」及「虛偽」。
事緣Jinny認為Alex私下是嚴父，但在鏡頭面前卻刻意扮溫柔兼「能聲」，Jinny說：「嗱！平時佢唔係咁㗎。平時佢係：『搏啜，做乜掉嘢呀！』真係一個好虛偽嘅爸爸。」更曾一度嘗試電話對話玩踢爆：「你點解把聲要咁呢？你用番你平時同我講電話把聲先，你點會喂（溫柔tone）？」

Alex對鏡頭好敏感，無時無刻都發現到鏡頭。

之後Jinny行動升級，主動要求製作組扮熄機窺探老公真實面；結果放下戒心的Alex果真即時進入嚴厲Mode，眼神凌厲度兼黑面指數齊齊level up，Jinny見狀即大叫：「你睇吓佢對住個仔！」真面目盡展現的Alex，更吃了誠實豆沙包般向黎諾懿坦誠自己是家中惡人鐵證：「工人同阿媽話佢一唔食飯，佢哋就會話『爸B鬧喇』，有一點我一定鬧得好勁嘅，就係食食吓飯隻叉或湯匙跌咗落地。因為我細個家規好嚴，食嘢唔可以嘈，跌嘢落地就打，食飯有剩喺碗，係淨一粒打一藤。」

+5

「怨氣」沖天的Jinny，還狂數老公三宗罪：「永遠冇手尾」、「好論盡」、「污糟邋遢」，例如將脫掉的鞋子放在客廳中間等；節目拍攝期間，Alex亦缺點現形忘記食飯前要幫「搏啜」洗手。Jinny亦不滿老公經常「架空」自己：「佢平時對住我個仔，當我冇到，唔會將媽咪呢個字眼提住。」

一熄機啫，Alex即時開啟嚴父Mode，惡咗好多！

另外，製作組為了給校長諾懿一個驚喜，秘密安排他太太Nicole及大仔小春雞成為本周參與錄影嘉賓，故本周沒有素人家庭登場。原來小春雞與林盛斌囝囝Jaye Jaye一樣數口甚精，為了避開進食討厭食物，竟想出與爸爸講數「分甘同味」絕招，在監控室食花生的Nicole亦忍不住感歎：「講數最叻，佢最鍾意講數！」又笑指小春雞似足爸爸勁麻甩：「我個仔食飯係衰少少，係麻甩啲。」直指囝囝是有樣學樣。

小春雞由媽媽帶來參與今次拍攝，諾懿事前完全唔知情。