陳煒今天（21日）迎來49歲生日，亦是她成為陳太後的首個生日。昨天煒哥的一班fans，特別舉辦了一個生日會，除慶祝煒哥生日外，亦慶祝她新婚之囍！席上除了一班痛錫煒哥的fans外，煒哥老公、家姐和姐夫都有到場，粉絲們更預祝憑《回歸》及《黯夜守護者》入圍角逐「最佳女主角」的煒哥，今年能夠順利榮登視后寶座。
問到有否信心奪視后，煒哥表示：「信心係一定要有，其實自己兩個角色都好鍾意，因為《回歸》同《黯夜》係兩個完全唔同性格嘅人物，所以都過足戲癮，最重要係觀眾鍾意。個人私心會更喜歡《回歸》鄧麗娟多一些，因為係適逢香港回歸25周年，感覺同所有香港人一齊經歷過去，憧憬未來，所以更有感覺和使命感。」
另外，煒哥與拍檔郭晉安雖然是首次合作，但已經得到《最受歡迎電視拍檔》的提名，對此煒哥說：「係有少少驚喜，因為同安仔真係第一次合作，出到嚟得到觀眾鍾意，真係好開心，希望大家都投我哋一票。」