王丹妮（Louise）首次拍攝賀歲片，在《臨時決鬥》中除要動作上陣外，還要苦練忍笑功。Louise自爆是戲中最容易笑的一位演員，她不好意思的說：「我之前冇拍過喜劇，所以對我嚟講都好新鮮，原來都係一個挑戰，要忍笑真係唔容易。不過後來俾我搵到個蹺妙，喺現場拍攝前同Rehearsal嘅時候都會笑咗先！一於笑飽佢，到正式拍攝嘅時候就盡力忍笑，enjoy個moment感受。」
提到為拳擊戲分努力練拳，Louise戰戰兢兢說：「對於泰拳，我係零知識，真係初學者，由基本動作開始學，有少少難度，但都算學得快，平時同教練切磋，不時加緊練習。不過有時被打中咗幾拳，就會怒火開始出現。這樣其實好幫到入戲，會令自己更加放開做令場戲更真實及好睇。」
