王丹妮（Louise）與張孝全、鮑起靜等主演全英語對白演出的電視劇《Coolie》，經過近五個月拍攝後，終於煞青。Louise近日收到監製通知該劇正在康城舉行的MIPTV賣片活動中，廣受買家歡迎，令她更期待透過此劇讓國際觀眾認識自己。
完成這次漫長拍攝之旅後，Louise忍不住的說：「終於可以同另一半Sheldon（羅孝勇）重聚；因為五個月前完婚後才兩天，還來不及度蜜月，我便要飛往多明尼加共和國開工。跟囡囡和老公分開兩地，想死我了！」
Louise三個幾星期前，曾特地返香港拍攝金像獎特刊，趁機陪囡囡雅念玩了兩日再趕返巴拿馬完成最後拍攝，直至日前才正式煞青回港。其實她跟老公都未見到面，要等下星期Sheldon有一個禮拜假期可以返香港，他們才終於再見面，所以十分期待。
除了掛念香港的牛河等美食，Louise很幸運遇上友善的劇組，讓她輕鬆地度過五個月的拍攝，又可跟鮑起靜和張孝全偷師演技。Louise先大讚男神張孝全，指自己已被圈粉：「平時我哋兩個都係比較文靜少少比較怕羞嘅人，但係孝全個人非常好，亦都好Humble（謙虛）。拍攝嘅時候兩個人感覺都幾有默契 ，所以我哋嘅場口其實大部分時間都拍得好順利。現場拍攝團隊入邊嘅女士們全部都俾佢性格同造型迷倒，佢哋仲即刻搞咗個Fans Club，我都係高級會員！」
至於面對影后級鮑姐，Louise形容興奮多過緊張，自己儼如上了堂演技進修班：「我同鮑姐合作拍攝嘅時候真係完全見證到乜嘢係『一秒入戲，快靚正』 ！所以拍攝當下我只係focus努力做好表演，唔記得咗緊張。」此行鮑姐丈夫方平都有同行陪拍，Louise更主動做小導遊帶兩位一齊到處遊覽。
至於跟結集來自逾40個國家的劇組人員，Louise謂：「拍攝完煞科個刻真係好唔捨得，返酒店睇住大家簽晒名送俾我嘅卡同文字都忍唔住喊咗。煞青party大家都相擁而泣，始終大家唔係喺同一個國家生活，唔知何年何月先有機會再見。 」
