因疫情關係，王梓軒（Jonathan）在美國洛杉磯滯留了8個月，一個月前終於返港，並已完成自我隔離檢疫。為了慶祝Jonathan歸隊，一眾同事安排了酒店讓他享受staycation，希望輕輕鬆鬆玩多一日再搏殺！
疫情爆發，全美國的健身室都關門大吉，Jonathan只好留在家中做gym，多個月的操練，梓軒二頭肌更見結實，Jonathan指很久都沒到過gym room，「之前大半年都係喺屋企做gym，可能少咗交通時間，工作同做gym嘅時間都長咗，運動量大咗，係健碩咗，衣櫃有4份1嘅衫著唔到，一著就爆，唔係手臂爆開就係扣唔埋，好彩啲褲冇事，即是條腰冇粗到。呢度個gym幾好，有晒消毒藥水同紙巾，都覺得安全嘅，同埋咁啱我去嗰陣冇人，更加安心！」
之前身處加州，一條街有十個人已算很多，出關兩星期的梓軒，對於人來人往的香港仍未完全適應，Jonathan說：「香港人口係比較密集，喺L.A.一部𨋢超過四、五個人就唔會入，香港唔會，香港係部𨋢夠大，十幾二十人都會照擠迫入去，呢樣嘢令到我有少少恐懼，但係都習慣咗，我見到大家都好有意識，不停咁搓洗手液、帶口罩，其實返到嚟香港方便啲，因為呢邊疫情冇咁嚴重，當然大家都要謹慎啦！但係嗰邊個感覺就係驚啲嘅，返到嚟係開心嘅。」
至於同事們為他安排的Staycation由朝玩到晚，晚上更安排了豐富的晚餐，Jonathan開心地說：「真係冇諗到有咁多嘢玩，依家飲飽食醉，之後再努力衝刺！」
