王梓軒昨日（3日）38歲生日，一眾軒迷日前於藝穗會為他舉行生日派對，樂迷為他準備巨型立體蛋糕預祝歌影視三棲齊飛，他就以歌聲答謝樂迷多年來的支持。問到生日願望？梓軒說：「今年有好多個願望，遲啲應該可以同大家一一分享嘅，因為啲願望全部都係啲新作嚟嘅。」
早前完成音樂劇《利瑪竇》後，梓軒出發到歐洲，先到康城電影節為兩齣籌備中的電影賣片花，驚喜地遇到張艾嘉與山田孝之，王梓軒當然把握機會與他們交流取經，大讚對方非常友善。他說：「我都好鍾意睇山田孝之嘅作品，從中得到好多啟發，佢真係好出色，形象同演技都咁多變，我真係好想拜佢為師學吓嘢，如果有機會都好想邀請佢合作。張姐（張艾嘉）就喺一個電影項目上俾咗好多意見我，我覺得非常感恩，所以可以喺康城見到兩位我都好開心、好榮幸！」
梓軒亦趁機到意大利的羅馬與當地的劇場人交流，並特意到訪利瑪竇神父的母校羅馬學院（Roman College），讓他大開眼界，然後他到維也納造歌，雖然行程緊密，但令他增長不少見識，及認識了來自世界各地的朋友，期待今年內可以邀請他們來港合作。
至於他的下半年大計，梓軒指早前發布的劇集《網內人》已密鑼緊鼓籌備中，預計明年可以開拍。音樂方面，年底將有個人演出，更會以製作人身份籌辦大型音樂節，「又係密鑼緊鼓啦，年尾要做，依家開始籌備都好趕，不過我嘅團隊好勁嘅。就係咁啦，歌影視，希望可以我又係，我啲朋友又係，坐住架飛機周圍走，做啲好嘢俾大家睇。」
