王祖藍有份成立的手工藝創作有限公司，日前於東莞舉行春茗，香港及內地旗下藝人均有盛裝赴會，包括表演嘉賓黎瑞恩及林曉峰，另外還有岑麗香、鄺文珣一家三口、「福祿壽」阮兆祥（祥師兄）、李思捷等。
身兼主人家的王祖藍，首度一家四口行紅地氈，當中太太李亞男（Leanne）悉心打扮、盡顯其完美葫蘆身形。至於兩個囡囡就以粉紅「姊妹裝」亮相，大女Gabby全晚拿着「企鵝仔」滿場飛，細女Hayley在紅地氈大走花生騷及派心心，可愛度爆燈。
Leanne透露這些年Keep Fit之道，除了均衡飲食及偶爾吃得清淡點外，還有另外兩大減肥妙法，分別是「萬年牛仔褲」及「湊女」：「因為同阿女玩都消耗體力，仲有一個秘密，就係唔好因為自己肥咗少少，就去買一件大一碼嘅衫，即係我點都要著番以前著開嗰啲牛仔褲，我啲牛仔褲十幾廿年個Size都係唔變嘅。」
