電影《誤判》香港由上月12月21日開畫至今，累積票房截至今日（26日）已超過2700萬！為了答謝觀眾對電影的支持，身兼監製、導演及領銜主演的甄子丹聯手MC 張天賦及鄭則士（Kent哥）現身戲院謝票。
子丹、MC與Kent哥出場，觀眾即報以尖叫及歡呼聲，拍手歡迎，見到熱情影迷的支持，子丹表示：「之前一直在忙，終於可以加入團隊一齊同大家謝票，衷心感謝每一位入場支持嘅觀眾朋友！新一年祝大家金蛇添福！」有女粉絲趁機后子丹公開示愛：「真係好喜歡你呀甄生！本身今日搭飛機走，但知道可以見到你，我即刻改機票啊！希望你拍多啲動作電影俾我哋睇！」子丹面對女粉絲示愛即回應：「多謝你，雖然我年紀唔細，但能夠拍到嘅時候都會繼續拍。」
子丹、MC與Kent哥這個謝票組合首度合體，MC先向兩位前輩拜早年：「祝兩位身體健康，心想事成，最緊要《誤判》大賣，咁我封利是就可以大大封啦！哈哈！」Kent哥承接回應，更向現場觀眾表示：「頭先聽到呢個祝福好啱用，入場睇《誤判》，賺到盤滿缽滿！」子丹作為導演，亦擔起選角的責任，被觀眾問到，下次會否考慮安排動作戲分給Kent哥，他表示：「如果可以拍到都幾正。」Kent哥則笑說：「我得呀！係咪要同MC隻揪？」引得現場觀眾起哄表示支持！
