連詩雅（Shiga）今日（7日）出席商場活動，Shiga表示今年希望可以增強事業運，問到會否追個「好」字？「都想要個仔，但遲少少先，難得現在瘦返，好想工作儲吓錢先，又想出歌及拍電影，都希望可以開演唱會，所以現在好努力學跳舞同跑步，嚟緊參加咗跑馬拉松十公里，想快啲進入返狀態，所以都有同老公練跑，始終生完BB都傷身，雖然體重未回復當年，重差兩三公斤，都算接受，不過最重要身體機能，所以要練返好身子。」問到老公陳家樂可支持工作，「老公知我鍾意工作，明白我仲有好多夢想想追夢，佢覺得兼顧得到就可以。同埋都想賺錢幫囡囡扮靚，老公賺錢負責供書教學，我就負責置裝扮靚。」
她表示今年第一年同囡囡過，都會兩家拜年，而且老公嘅細妹新年前都生BB，所以好熱鬧，估唔到囡囡好快做表姐。Shiga更打算幫囡囡儲利市，「上年佗BB已經幫囡囡收利市，都會幫佢儲到11歲，可以幫佢開戶口就一次過俾返佢。」同場仲有入圍《萬千星輝頒獎禮》「最佳新人」五強的譚輝智，最近頻頻出席活動及工作的他，少了時間留在屋企，他說連見小朋友的時間都少了，有點內疚。
更多現場圖輯：
