無綫劇集《白色強人II》本周率先在內地開播，在第一輯中，李佳芯飾演「Kennis」成為無國界醫生，於大結局中被軍人用槍指頭，生死未卜；隨後開拍續集，傳出李佳芯因被雪藏被飛出劇集。
第二輯一開始，劇情就交代Kennis已失去蹤影兩年，其好姊妹Zoe（唐詩詠飾）為了等她回來做伴娘，一直未肯跟唐明（馬國明飾）復婚。然後Zoe到海旁靜聽Kennis出事前的錄音︰「Zoe，Kennis呀！你知唔知我頭先瞓覺發夢嗰陣，夢見啲咩？我夢到我結婚嗰日，著住婚紗走入教堂，仲有一個細路女幫我做花女，原來嗰個係你同唐明個女嚟㗎！咁即係話我唔會有事，我仲可以有命走入教堂，我仲可以有命睇住你同唐明結婚生仔，不過你千祈唔好話俾你未來老公聽喎，OK？」Zoe一邊聽着一邊眼泛淚光，流露傷感之情。
對於今輯仍聽到Kennis聲演讀白，李佳芯昨日出席活動時表示，還未看新一輯，但澄清沒有為第二輯錄音，故有關錄音片段，可能是將她在第一輯的對白剪輯下來，放在今輯播出。她亦坦言拍第一輯時大家好開心，故沒份參演第二輯感可惜。
