唐詩詠在劇集《白色強人II》中飾演的蘇怡，懷孕後一直沒告知BB的爸爸唐明（馬國明飾），正當她預設了錄音準備踏正聖誕節告知唐明將榮升爸爸，準備甜蜜迎聖誕時，卻因蘇怡與Vincent（陳豪飾）出勤到大型事故現場救人，期間蘇怡被激動的傷者踢跌，並意外遭鐵枝插中背部送院，蘇怡要唐明保住胎兒，她才肯麻醉接受手術，唐明為讓蘇怡安心忍痛講大話……搞到網民陪住一齊喊，留言:「馬國明喊到我想喊」、「陳豪演得好好（嗰種保護身邊人嘅感覺太型）」等等。
詩詠亦獲網民讚「在蘭桂坊做得好好」，因為蘇怡被鐵枝插中後，眼眶滿是淚水的茫然狀態，及不斷抖動的身體，充份表現了虛弱、強裝鎮定、恐懼及將一切交給拍檔Vincent等四個不同狀態；陳豪駭然發現蘇怡受重傷一刻的表情亦拿捏得相當好。詩詠大讚陳豪是好對手：「我同佢第一日開工已經唔使Warm up，有時我突然加咗啲嘢，佢都會接到。」
至於蘇怡躺在手術牀上與唐明對話一幕亦相當感人，雖然唐明全程一面溫柔及疼惜，但仍能清楚感受到他有多心痛；已是第N次與馬明合作的詩詠，笑言與對方默契十足：「人生遇到咁嘅對手真係好難得，佢應該係我人生中No.1 有默契，同佢做戲冇顧忌、亦非常放心。」詩詠又笑指躺在手術牀上拍戲並不好受：「張手術牀好難瞓，我個頭要喺上面，但個身就要斜落去讓個位畀個假人，嗰個角度真係好唔容易，我唔記得自己瞓咗幾耐？一直好想去廁所，但又要忍住，因為一起身個過程好複雜，又要搵人扶我又要搬開啲嘢，最終我都係忍唔住要去。」
由於劇集早前已在內地網站率先播放，不少網民得知「蘇唐CP」最終要分開，並因而怪責蘇怡人設自私。對此監製Marco為蘇怡解畫：「其實佢冇怪到唐明救佢唔救個BB，只係佢一見到唐明就會諗起冇咗嘅BB、會記起所有嘅傷痛，所以佢先選擇分開，或者俾啲時間大家冷靜吓。」