無綫跳舞真人騷《盛．舞者》昨晚（07/07）播出第3集，曾參演《愛．回家之開心速遞》的袁鎮業（Kelvin）差點在首輪被淘汰，幸而最終加入狄易達的隊伍。
Kelvin在9年前因傷患放棄當全職舞者，為了這個比賽重拾跳舞的初心與熱情，回憶轉戰演藝之路已9年，卻無功而返，他不禁哽咽起來，流下男兒淚，說道：「今次呢個比賽好掙扎，因為我真係停咗好耐冇郁。我係好鍾意跳舞，我做全職，但不幸勞損咗，所以我發展咗新道路。我發展咗九年、付出咗九年，頭幾年我好努力操好弗好乾身，但都係冇機會‥‥‥隨住年紀開始大，我想Pick Up番跳舞，身體暫時都仲未可以同步，但我已經盡咗最大努力。」主持錢嘉樂安慰他：「年青就係咁好，有咩心事都可以真情流露，到我呢個年紀會收埋好多嘢㗎。」
Kelvin轉戰演藝路的9年裏，坦言走得比別人慢，也錯失一些機會，卻沒有失望，因為明白到多了時間進修演技、累積經驗和汲取知識裝備自己。他回憶剛入行時，因為擔任替身而反感，表示：「我轉幕前就係想企前啲，想多啲人望到自己。但當我做替身，我係唔需要講對白，只係影我膊頭、背影咁，我會有啲唔開心，因為唔係我鍾意做嘅嘢。」他不諱言藝人較舞者更複雜和艱難，當全職舞者時收入穩定，做藝人卻時常有入不敷支的情況出現，不但要動用儲蓄，還不能肩負在經濟上照顧家人的責任，幸而家人也很支持及體諒他。
Kelvin盡訴心聲後，獲不少朋友送上鼓勵，他在IG留言感謝大家關心，「冇諗過自己會忍唔住，其實我好害怕呈現自己軟弱嘅一面，所以呢9年嚟，我一直好努力撐住，比賽太累了，沒有力氣再裝強了。」
部分圖片來源：袁鎮業@Instagram
