賀歲片《臨時劫案》將於年卅（2月9日）正式上映，郭富城（Aaron）、任賢齊和林家棟三位主演日前忽發奇想，創作射擊壞人遊戲。家棟拿起玩具槍，射擊印上戲中反派角色的膠杯，但似乎欠射擊天分，要Aaron親身示範使用玩具槍；小齊則入戲慨歎不懂。當家棟學懂百發百中，Aaron就為他送上公仔以示鼓勵，不過就像戲中角色一樣，依Aaron要求收禮物要講多謝，二人經過一輪爭持，最終家棟屈服講多謝。以上都是三人提早向大家拜年的惡搞片。
家棟飾演角色「笠水」，戲中盧海鵬飾演他爸爸，少不免遭「爸爸」問候。家棟笑言：「好耐之前同鵬哥合作過，佢真係好有爸爸風範，佢教仔每一次都問候，其實我見到佢係開心，佢愈問候得多我就愈開心，因為代表佢有火，嗰種衝擊真係既愛且恨，通常兩父子都係咁，無仇不成父子，呢個係佢嘅風格。我哋未到佢個年紀，未必了解得咁深，佢會提出意見，出嚟效果唔錯。」至於如何面對鵬哥的問候？家棟笑言：「敞開心扉任佢問候，不過我有駁過佢嘴，反而係佢笠水。其實佢唔鍾意人支吾以對，只係想有更清晰的答案。」
家棟今次與胡定欣首次合作，演夫妻之餘，定欣更是懷孕，家棟覺得有趣。至於與小齊、城城合作，亦是興奮，家棟說：「與城城合作很多，已有默契。同小齊已經有6、7年冇合作，期待之餘，大家出奇地合拍，我同小齊每日在現場都好開心，不單止萬歲，對角色的要求，大家配合，我怎樣做佢怎樣做，有一齊爆肚，係一個好好玩嘅過程，希望將來有機會再合作。」
