MIRROR的Anson Lo（盧瀚霆）和Jeremy（李駿傑）日前自韓國返港，透露將與韓國天后合作在港開騷，今日正式揭盅，二人將聯乘韓國天后宣美SUNMI於2月13日及16日，於亞洲國際博覽館Arena舉行《Katch the Pop SUNMI x ANSON LO x JEREMY》音樂會。
早前二人前往韓國集訓，與當地跳舞導師排舞，宣美更突然現身探班，Anson Lo和Jeremy興奮到用韓文向偶像打招呼；宣美亦表現雀躍，即場哼《Hey Hey OK！》和《TOXIC!》歌詞，令Anson Lo和Jeremy非常驚喜，並向偶像表達心聲：「你永遠都是很精采，由Wonder Girls年代到現場都是很了不起！」期間三人不時自拍，當宣美拖住Anson Lo手臂時，他興奮大叫：「今次夢想成真了！」
宣美就大讚二人在台上「有型」：「Anson Lo在台上台下都很相似，很親切的！」她亦擺出Jeremy招牌Pose，足見做齊功課見面，還向對方請教廣東話「拜年」。
2子近日為音樂會拍攝海報，一方面非常期待與偶像同台，但又不敢跟對方「鬥舞」。Anson Lo說：「我哋冇可能同佢鬥啦，佢係非常成功嘅全球女歌手，我由關注K-Pop開始已經留意佢，睇住佢嘅造型改變，無人可以取代到佢，所以係Fans Boy嘅感覺。」
Jeremy入行前曾立志在韓國成為藝人，今次與宣美同台做騷算是圓夢：「由佢獨立發展開始，特別鍾意《Full Moon》呢首歌，到自己做個人單曲時都會參考，到今次同本尊同台，唔知有冇機會表演呢啲鍾意嘅歌！今次何止係自肥，同宣美一齊玩音樂係好夢幻啊，我有諗定要同佢講乜嘅，一早準備定！」Anson Lo就話學韓文，待他們同台時就會以韓文跟宣美交談，叫Fans入場看他騷韓文。
兩位「Fans Boy」亦諗定點樣討好前輩，Jeremy就為偶像列出「遊覽路線」：「如果有機會帶佢去中環海濱睇夜景、大佛，甚至山頂啲餐廳食飯，將最靚嗰啲俾晒佢睇。」Anson Lo就擔心對方檔期緊密，安排「早、午、晚」三餐為對方「洗塵」：「可能叫啲街頭小食，好似格仔餅、雞蛋仔等等，或者叫啲點心俾佢試吓。」
