譚校長阿倫同歌神阿Sam嘅Part2演唱會，八月就開鑼！校長同歌神最近密密做，又影海報又做宣傳，今日就練歌，仲一口氣合唱《喜歡你》同《天邊一隻雁》！ 唱完，阿倫落台時就坐喺阿Sam後面幫佢按摩，鬼咁好！問鍾意足球嘅阿倫，依家世界盃踢得如火如荼，咪對佢練歌有影響？阿倫話：「實有啦！不過世界盃四年一度，一定要睇，睇完先練囉！」阿Sam就話自己都會睇，感受吓氣氛！
