林師傑和太太歐陽巧瑩移民英國差不多四個月，兩個人落地生根，林師傑經常在IG上載近況，一時同老婆行吓公園，一時就欣常吓英國初雪，或者在屋企後園打坐禪修；這個星期，他們就去了Furnace End Market car boot sale，擺地攤賣衫褲鞋襪同日用品。
林師傑話晨早六點鐘開檔，下午一點收檔，途人都幾多，大家都睇吓貨，不過歐陽巧瑩話香港人的身形比較瘦，衣服size 比較細，對於鬼佬鬼婆來講，就唔係幾啱，做了半天，佢回家計一計有幾多收入，佢話有三百五十鎊，不過擺地攤要交十鎊租費，即係有三百四十鎊，佢仲講呢個體驗幾好，不過貨物標價十鎊，消費者會問：「十鎊？」要還價，佢話：「其實幾搞笑，擺攤嘅過程都同其他人傾吓偈。」不過最令他有印象的，是一個英國少女，她看了條牛仔褲，Ｔ恤同衫，最後她買了一件Ｔ恤，「那件Ｔ恤其實是我的瞓覺衫，好殘，仲係參加飄移隊的制服，真係各花入各眼，百貨有百客。」
