日前，石修及米雪到馬來西亞為當地劇集《名門》進行開鏡儀式。在《名門》中，米雪飾演的上流名媛顏麗萍，是飾演富商的石修的第二任妻子。在丈夫逝世後，米雪原本扮演賢內助角色，被迫面對家族內部的紛爭壓力，面對多方壓力，她將如何解決？
其實米雪和石修這對多年好友，自1979年在電視劇《絕代雙驕》初次合作後，至今已合演五次情侶，這次終於「修成正果、共諧連理」飾演夫婦。石修表示二人的「夫妻情感」已培養多年，「三、四十年前，我同雪姐已經係演情侶。」米雪接着說：「可惜冇開花結果。」石修笑謂：「雪姐一路唔肯應承我，今次真係非常之好彩，一開始我哋已經係夫妻，我有結果、有答案啦，哈哈！」談到劇中角色，米雪直言石修都是一貫的「靚仔、有型、有錢」，石修聞言即謂：「如果要配合雪姐，我一定係要咁樣，哈哈！」
米雪自言經常到馬來西亞，石修則多年未有到訪，這次一到埗便瘋狂開餐，「食咗好地道嘅肉骨茶，個味係特別香、仲有潮州小炒、海南雞、仲有一個好特別嘅芽菜仔，我直頭夾兩啖芽菜就可以送到一碗飯。」聽到石修狂食，「太太」米雪即溫馨提示：「喂，唔好食咁肥呀！要開工㗎！」「老公」即聽話回應：「我知道㗎喇，但有時忍唔住，因為太多好嘢食！」當眾曬恩愛！