神的女主角｜Anson Lo新歌MV招女主角 點樣成為幸運兒？

人氣男團MIRROR自真人騷《全民造星》出道後一直人氣高企，成員Anson Lo單飛成績亦相當亮眼，奪得叱咤生力軍銅獎，更憑ViuTV劇集《男排女將》陳逸朗一角同演唱劇集插曲《神隊友》人氣再度急升，曝光機會愈嚟愈多。最新新搞作，就係公開招募MV女主角。

噚日ViuTV宣佈籌備全新真人騷《神的女主角》，公開招募Anson Lo MV女主角。咁點樣先可以成為「神的女主角」呢？首先要搵2位家庭成員幫手，組隊係節目闖關，挑戰節目組考核爭取出線。特定親屬關係廣泛，包括爸爸、媽媽、兄弟姊妹、老公、老婆、爺爺、嫲嫲、公公、婆婆、老爺或者奶奶，只要係「神隊友」就得。

點擊睇更多Anson Lo靚相：

 

《神的女主角》會以真人實況節目形式進行，經過一系列考驗同比賽後，勝出者將會成為Anson Lo嘅拍檔，成為「神的女主角」！

圖片來源：ViuTV 、Anson Lo@Instagram