香港八和會館主辦的「粵劇新秀演出系列」今日於在油麻地戲院上演，系列藝術總監阮兆輝和尹飛燕、謝雪心亦有現身支持。心姐指2003年SARS期間，粵劇界至少仍可以演神功戲，然而今次連神功戲亦取消，對業界的生計影響甚大。輝哥表示粵劇行內向來以日薪計，「有啲人都轉咗行，因為我哋係專業，所以先係最危險。因為大家睇到、睇唔到嘅台前幕後，負責著衫嗰個都係專業。」他無奈稱人材損失很大。 輝哥表示下周開始，將舉行網上籌款義唱，心姐大讚是破天荒而且與時並進。輝哥指行內人正進行自救緊，「希望政府盡快畀我哋開返晒個場館、賣返飛。我個人覺得，邊度有事就邊度做工夫，買飛都可以實名架，如果真係有事，大家咪再做工夫囉，因為而家對我哋真係影響好大，希望政府可以考慮吓。」輝哥太太鄧拱璧早前曾中風入院，他指對方身體狀況良好，「好彩救得快，而家講得返嘢，係慢啲囉，慢慢康復緊。佢行動自如架，而家忙緊籌款啲嘢，西藥、針灸，三管齊下。」