約滿繼續為新劇宣傳 黃嘉樂外闖有得着

黃嘉樂今日為無綫新劇《本尊就位》進行宣傳，雖然去年已約滿無綫，但他表示會盡演員本份配合宣傳，「監製叫返嚟宣傳，所以一定要，暫時佢俾個期我，只有最後一次宣傳出席唔到，（重遊舊地有咩感覺？）呢個地方咁熟悉，完全唔會陌生。但呢套劇係我暫時在TVB最後一套，記得拍時我一直籌備婚禮，拍到最後亦慢慢感受到係自己在公司的最後一套劇，所以今日返嚟都幾多回憶，不過出去外闖都有不同嘅得着，暫時工作都算穩定，主要國內拍劇，又參與電影演出，可以嘗試不同的角色，都是另一種得着。」