林家謙在2019年才正式出道成為唱作人,一直以來甚少緋聞傳出,反而同性緣甚好,近年就與張敬軒兄弟情深厚,軒公甚為睇好林家謙在樂壇的發展。31歲的林家謙近日卻被網友爆出戀情,有人在討論區出po,指在太子發現與林家謙有9成相似的人,正拖住女友向旺角方向前行。雖然「冇圖冇真相」,有人更指林家謙應該仍身在歐洲,樓主卻斬釘截鐵回應:「7成返咗香港,啱啱太子站對出確認過眼神!」
樓主再補充指出,該名女朋友「少肥,拖晒手」,之後就有網民爆出女主角真身為Now TV前主播呂德琳(Vicky),更指林家謙同靚女主播呂德琳已經拍了好多年拖,指兩年前林家謙未走紅時,已傳出有個拍拖數年女友,而女主角正是呂德琳。
設為私人影片唔公開
其實,以往在Now TV多數主持深宵新聞報道的Vicky,已經離職Now TV,現已轉到網台經濟通etnet主持節目。有人發現Vicky多次在出鏡時,戴上林家謙紅館演唱會的限量版口罩,近日在節目中,自爆暑假期間睇了不少演唱會,問到睇了邊個演唱會,她就答:「草蜢演唱會!」不過其他主持人就唔多信;有網民更上載疑似兩人戴上情侶手錶的相片,一黑一白襯到絕。
破紀錄《叱咤》一人攬四獎
女主角「見光死」,林家謙則懶理緋聞,已有一星期未有更新社交平台,昨天出席記招前才po出限時動態。臨近年尾,林家謙歌聲走勢凌厲,《邊一個發明了ENCORE》連續12個星期登上《叱咤》榜,剛剛最新一期成為冠軍,再加上早前的《在空中的這一秒》、《某種老朋友》和《夏之風物詩》,林家謙今年已經有四首冠軍歌,今年要登上《叱咤》男歌手金獎,幾乎是冇對手!
據知,林家謙更加好大機會破《叱咤》史上紀錄,首奪《叱咤》男歌手金獎、再奪唱作人金獎之餘,他的《MEMENTO》大碟和《某種老朋友》亦有機獲「至尊大碟」和「至尊歌曲」獎項。獨攬四大獎,勢必成為頒獎禮大贏家!