無綫台慶劇《美麗戰場》昨晚一幕「反骨琪」（蔣家旻Angel飾）被姦戲，在網上掀起連番熱討，是劇集一大高潮。劇情講述「世紀賤精」琪琪原本打算害家寶（陳瀅飾）失身給威爺（李成昌飾），還自攜攝錄機欲拍下家寶被姦過程公諸於世。豈料威爺手下阿信（李啟傑飾）「叛變」，迷暈琪琪並將其與家寶調包，最終「反骨琪」慘遭強姦。威爺滿足獸慾後更露出奸險真面目，以二人性愛片段要求琪琪任其魚肉及接客，受盡刺激的琪琪盛怒下拿起生果刀怒拮威爺，不過真正殺死威爺兇手另有其人。
對於琪琪害人終害己，昨晚網民洗版式留言大嗌心涼兼抵死，對於壞人逐個開始「找數」，坦言「未試過睇得咁開心同興奮」之餘，又指沒想過會這麼逼真！
談及該場被姦戲，Angel受訪時大讚昌哥事前與她做足溝通，開拍前對對方所有動作都一清二楚；又感謝幕後對她很照顧，加上有打底，故拍攝時很放心去演。不過由於擔心自己做得唔夠好，Angel拍攝前一晚已開始有壓力：「因為場戲好多情緒要處理，由化妝開始我已經要匿埋一邊。」Angel說全劇最大難度並非被姦戲，是緊接其後在浴室「想喊但又要唔准喊」一幕。
李成昌演大佬已演到出神入化，他笑言是次雖然冧莊演大佬，但卻被葉念琛勒令要「不一樣」：「導演話睇過我做過好多大佬，今次想我特別啲，我當時都擔心好難再有突破，後來終於諗到自己未做過鹹濕嘅，你知有個人唔聲唔聲原來好鹹濕對女仔嚟講好棹忌。所以我叫導演開頭幾場俾兩個靚女我，我要摸大髀。」談及昨晚表情極速遊走於得戚、險惡及無情之間兼「一秒變臉」，昌哥則坦言過足戲癮。