旅遊達人梁芷珮（Christy），今年初與老公（Kenneth）慶祝結婚18周年紀念日，二人非常恩愛。
昨天（25日）Christy在社交網上載了老公在醫院病牀上與她十指緊扣的照片，原來Christy老公要進行緊急的切腸手術，她寫道：「前晚一個緊急嘅切腸手術真係嚇親我，老公胃痛咗兩個禮拜，前日醫生安排佢照腸胃鏡時發現佢有腸套疊，所以要立即做手術，遲發現有機會令腸潰爛，可以好危險，去到澳洲先出事就好麻煩，喺度多謝各位嘅留言問候，多謝楊醫生同埋各護士細心照顧。」Christy表示對如此情況而感到不知所措：「突然一個咁大嘅手術，嗰一刻真係好不知所措，亦都俾我感受到，冇嘢比老公更重要。今日醫生話佢可以試飲湯，我都鬆咗一口氣！而家返屋企攞湯喇！老公加油快啲好返！」
有不少粉絲都在留言區為Christy及其老公打氣說︰「早日康復，好好保重，加油！」、「你都要好好休息，唔好太操勞！」而陳自瑤、鄭俊弘也有留言表示︰「Take care!」
相片來源︰梁芷珮@Instagram
