謝安琪（Kay）今日（26日）出席「癌症基金會粉紅革命」啟動禮，她表示年過40歲需要定期檢查身體，「基本上過了40歲以上，每年都需要check，甚至可以每個月檢查一下，自己用手去打圈檢查，如果唔識點樣自我檢查，可以上網睇點做，參考一下。（老公有冇幫手檢查？）自己檢查又得，身邊親密嘅人檢查又得，咁另一半都會關心一下你，都好易發現，但我會check。」
明年出道廿周年，Kay準備舉行演唱會慶祝，「明年入行廿周年，所以今年就收埋自己，等大家掛住我多啲，出年先出嚟見大家！依家都考慮不同場地舉行演唱會，大小場地都會考慮，紅館或文化中心都會入紙申請，但主要都係注重音樂方面，而唔係場地。」
更多現場圖輯：
