《聲夢傳奇2》明晚播出第五集。憑屈機履歷及超強唱功一直穩守大熱位置的Janees，今集卻遭導師JW狠批有很多不足。JW聽完Janees試唱後皺眉並虎媽上身說：「你令聽嗰個覺得好攰，我覺得你唱得好惡！」一度激動到掟筆，更指Janees綵排表現比平日差：「我有少少失望，反而教完仲誇張咗。」不過Janees經過JW一輪調教下，最終掌握技巧。獻唱完畢後獲讚「每次尾音都推進到個故事」及「好入到個表演」，雖然JW使用較嚴厲的教學方法，但果然名師出高徒，令Janees順利晉身下一輪。
至於同樣都是大熱的女團XiX，獲導師泳兒安排跳唱韓文歌，以超強隊形及超甜蜜氛圍成功帶動全場氣氛，獲近乎一致好評。
平日口硬心軟的舒文大讚：「好好睇」，張佳添封她們為「真正女團」，就連「紅燈魔人」伍仲衡亦給綠燈及正評說：「你哋一開口，又唱得好又可愛，成件事好Convincing。」
而一手「湊大」XiX的Eric Kwok，更自認偏心她們，公然向現場25名評審下戰書說：「邊個評審話佢哋唔好，就係同我過唔去。」當陳奐仁取笑他偏心時，Eric理直氣壯回應：「你都會㗎，我想睇住佢哋贏呀。」