胡杏兒與「胡說八道會」一班姊妹到馬爾代夫旅行7天後，近日已回復工作，昨日（15日）杏兒獲邀出席賽馬日活動。她身穿高貴白裙現身，配上閃亮珠寶，散發着高雅氣質。
杏兒透露老公Philip時常會送珠寶，她甜笑道：「老公大時大節都會送珠寶，紀念同時又可以保值，佢有時甚至會自己design，再搵做珠寶嘅朋友幫手！」被問到最喜歡收到什麼類型的珠寶，杏兒笑說：「珠寶唔會嫌多，耳環、頸鏈、戒指都鍾意！」
早前杏兒和「胡說八道會」幾個閨密旅行，眾人均在社交網大曬靚相，杏兒表示：「今年係一個大生日，安排咗好耐，初頭幾日天氣唔太好彩，天氣一般，只可以留係房玩、傾偈，好彩後來天氣轉好，成班姊妹就瘋狂影相，因為實在太靚！今次係一個好好的回憶，希望下次可以6個齊人！」
聖誕節將至，杏兒已準備好與五個月大的細仔Ryan過首個聖誕節：「今年聖誕應該會同屋企人食飯，屋企棵樹已砌好，第一次同細仔過聖誕，已經買咗聖誕衫俾佢，一定會一家人係聖誕樹前面合照留念，希望年年都影一張！」